હર્ષ સંઘવીની વિધાનસભામાં મોટી જાહેરાત, પોલીસમાં 11 હજાર ભરતી ,ફાસ્ટ્રેક મોડમાં પરીક્ષાઓ
- 28 Feb, 2024
રાજ્યમાં પોલીસ ભરતીની રાહ જોઈ રહેલા ઉમેદવારો માટે મોટા સમાચાર સામે આવ્યા છે. રાજ્ય સરકાર આગામી સમયમાં 11 હજાર જેટલી પોલીસ ભરતીઓ કરશે. આ અંગે ગૃહ રાજ્યમંત્રી હર્ષ સંઘવીએ આ અંગે વિધાનસભામાં જાહેરાત કરી છે.
પ્રાપ્ત જાણકારી મુજબ વિધાનસભામાં પોલીસ ભરતી અંગે જવાબ આપતા ગૃહમંત્રી હર્ષ સંઘવીએ જણાવ્યું હતુ કે, ગુજરાત પોલીસમાં આગામી સમયમાં 11,000 નવી ભરતી થશે. જેમાં નવા 597 PSI ની ભરતી કરવામાં આવશે. જ્યારે 6600 કોન્સ્ટેબલ સહિત SRPF ની પણ ભરતી કરાશે. પોલીસ વિભાગમાં આવનારા સમયમાં 11 હજાર જગ્યાઓ માટે ભરતીનું આયોજન રાજ્ય સરકાર કરી રહી છે. નોટીફિકેશન બાદ પોલીસ રીક્રુટમેન્ટ બોર્ડ પરીક્ષાની તારીખો જાહેર કરશે. ફાસ્ટ્રેક મોડમાં તમામ પરીક્ષાઓ લેવાશે. આગામી 2024ની લોકસભા ચૂંટણી પહેલા પરીક્ષાની રીક્રુટમેન્ટ પ્રોસેસ પૂરી કરવા રાજ્ય સરકારની સૂચના મળી છે.
આ સાથે ગૃહ રાજ્યમંત્રીએ છેલ્લા બે વર્ષમાં થયેલી ભરતીની વિગતો આપતા જણાવ્યું હતું કે, ગુજરાત પોલીસમાં કુલ 11,000 ભરતી થઈ છે. છેલ્લાં 2 વર્ષમાં 12,816 જગ્યા પર ભરતી થઈ છે. સાથે ગૃહમંત્રીએ તે પણ જણાવ્યું કે, વસ્તીના ધોરણે અમદાવાદ પોલીસની ઘટ કેટલી છે તે અંગે ગુજરાત વિધાનસભામાં ડેટા સાથે આંકડાકીય માહિતી આપી છે. કોંગ્રેસના ધારાસભ્ય શૈલેષ પરમારે રાજ્યમાં પોલીસ ઘટ વિશે સવાલ કર્યો હતો. તેના જવાબમાં મંત્રી હર્ષ સંઘવીએ આ તમામ વિગતો આપી હતી.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ